पाथरी (प्रतिनीधी)मराठी पत्रकार संघाची पाथरी तालुका कार्यकारीनी निवड रविवार ४ जानेवारी रोजी संपन्न झाली यात तालुकाध्यक्ष म्हणून गणेश जत्ती तर सचिवपदी म्हणून मुरलीधर गोंगे यांची निवड परभणी जिल्हा कार्यकारीणीच्या उपस्थितीत जाहिर करण्यात आली.
मुंबई मराठी पत्रकार परिषद संलग्नित पाथरी तालुका पत्रकार संघाच्या निवडीची बैठक रविवार चार जानेवारी रोजी मराठी पत्रकार परिषदेचे राज्य सरचिटनिस प्राचार्य सुरेश नाईकवाडे यांच्या अध्यक्षते खाली पार पडली. या वेळी प्रदेश प्पतिनिधी राजू हट्टेकर, परभणी जिल्हा मराठी पत्रकार संघाचे अध्यक्ष प्रभू दिपके, कार्याध्यक्ष मानोलीकर,उपाध्यक्ष किरण घुंबरे पाटील, जेष्ठ पत्रकार वडकुते यांची उपस्थिती होती. 
या वेळी पाथरी तालुका अध्यक्ष म्हणून गणेश जत्ती यांची बिनविरोध निवड करण्यात आली तर सचिव म्हणून मुरलीधर गोंगे, उपाध्यक्ष विठ्ठल प्रधान, कोषाध्यक्ष दत्ता ऊफाडे, सहकोषाध्यक्ष शिवाजीराव इंगळे, सल्लागार अॅड श्रिपाद कोंत, सह सचिव उध्दवराव इंगळे, जिल्हा सदस्य धनंजय आडसकर, पत्रकार संघाचे जिल्हाप्रतिनिधी म्हणून किरण घुंबरे पाटील, संघटक अशोक नवघरे, सदस्य लक्ष्मन उजगरे, बाबा दाढेल, मनोज भदर्गे, शेख जलील यांची बिनविरोध निवड जाहिर करण्यात आली.या वेळी नुतन कार्यकारणीचा मान्यवरांच्या हस्ते सत्कार करून शुभेच्छा देण्यात आल्या. या वेळी प्राचार्य नाईकवाडे, दिपके, घुंबरे पाटील, अॅड कोंत यांनी मनोगते व्यक्त केली. या कार्यक्रमाचे प्रास्ताविक दत्ता उफाडे यांनी केले तर सुत्र संचलन मावळते तालुकाध्यक्ष धनंजय आडसकर यांनी केले. आभार विठ्ठल प्रधान यांनी मानले.
१८६३ मध्ये फुले दांपत्यांनी बालहत्या प्रतिबंधकगृह सुरू केले. सावित्रीबाई त्याच्या प्रमुख होत्या. १८८५ पर्यंत ३५ विधवा ब्राह्मण स्त्रिया त्यांच्याकडे आल्या. त्यांची बाळंतपणे सावित्रीबाईंनी केली. १८७४ साली काशीबाई नावाच्या ब्राह्मण विधवा त्यांच्या घरात आल्या. या काशीबाईच्या मुलाला त्यांनी दत्तक घेतले त्या मुलाचे नाव यशवंत ठेवले. यशवंतला शिकवून त्यांनी डॉक्टर बनवले. सण १८७७ साली महाराष्ट्रात भीषण दुष्काळ पडला. या दुष्काळात फुले दांपत्यांनी लोकांना खूप मदत केली. त्यांनी दुष्काळग्रस्तांसाठी जेवणाखाण्याची सोय केली. सावित्रीबाईंनी केशवपन पद्धत बंद करण्यासाठी नाभिक समाजातील लोकांचे प्रबोधन करुन नाभिकांचा संप घडवून आणला. पुनर्विवाहाचा कायदा व्हावा यासाठी त्यांनी खूप प्रयत्न केले. महात्मा फुलेंनी स्थापन केलेल्या सत्यशोधक समाजाची धुरा त्यांनी समर्थपणे वाहिली. सावित्रीबाई फुले या मोठ्या साहित्यिकही होत्या. काव्यफुले व बावनकशी सुबोध रत्नाकर हे काव्यसंग्रह त्यांनी लिहिले. १८९६-९७ साली पुण्यात प्लेगने धुमाकूळ घातला होता. प्लेग या जीवघेण्या आजाराने अनेकांचा जीव घेतला. हा रोग संसर्गजन्य आहे हे माहीत असूनही सावित्रीबाईंनी प्लेग पीडितांसाठी पुण्याजवळ दवाखाना सुरू केला. त्या रोग्यांची सेवा करु लागल्या. त्यांना आधार देऊ लागल्या. प्लेगच्या रोग्यांची सेवा करताना सावित्रीबाईंनाही प्लेगची लागण झाली त्यातून १० मार्च १८९७ रोजी त्यांचे निधन झाले. सावित्रीबाई फुले यांचे कार्य समस्त मानवजातीला भूषणावह आहे म्हणूनच जयंतीदिनी त्यांना विनम्र अभिवादन!
पाथरी तालुक्यातील उमरा गावीही नुकतीच ९७ हजार २०० रुपयांचे सोने लंपासले गेले असून, अशा गुन्ह्यांवर पोलिसांनी आता विशेष लक्ष केंद्रित केले आहे. या कारवाईमुळे पाथरी पोलिसांची कर्तबगिरकी अधोरेखित झाली असून, नागरिकांमध्ये सुरक्षिततेची भावना निर्माण झाली आहे. पोलिसांनी दिलेल्या माहितीनुसार, अशा गुन्ह्यांविरुद्ध सतर्कता बरोबरीने तपास सुरू असून, नागरिकांनीही घरटे सांभाळण्याचे आवाहन केले आहे. परभणी जिल्ह्यातील गुन्हेगारीवर नियंत्रण मिळवण्यासाठी पोलिस विभाग सतत प्रयत्नशील आहे.
मुंबईत काही दिग्दर्शकांनी टॅलेंट हंट स्पर्धा आयोजित केली. राजेश खन्ना यांच्या काकांनी त्यांचे नाव या स्पर्धेकरिता नोंदवले. ते नोंदवताना त्यांनी त्यांचे नाव जतीन खन्ना ऐवजी राजेश खन्ना म्हणून नोंदवले पुढे याच नावाने ते ओळखले जाऊ लागले. या स्पर्धेत त्यांनी पहिल्या क्रमांकाचे पारितोषिक मिळवले. त्यांच्या अभिनयाने त्याकाळातील दिग्गज दिग्दर्शक प्रभावित झाले. १९६६ साली चेतन आनंद यांनी त्यांना आखरी खत या चित्रपटात संधी दिली हाच त्यांचा पहिला चित्रपट. हा चित्रपट ऑस्करला गेला होता. पहिल्याच चित्रपटातील त्यांच्या अभिनयाने चित्रपट रसिक तसेच जाणकार प्रभावित झाले त्यामुळे त्यांना अनेक चित्रपट मिळाले. त्याकाळातील यशस्वी दिग्दर्शक असणारे शक्ती सामंत यांनी त्यांना आराधना या चित्रपटात नायकाची भूमिका दिली. या चित्रपटात शर्मिला टागोर या त्यांच्या नायिका होत्या. चित्रपट सुपरहिट झाला. या चित्रपटातील सर्व गाणी लोकप्रिय झाली. या चित्रपटा नंतरच राजेश खन्ना सुपरस्टार म्हणून ओळखले जाऊ लागले. राजेश खन्ना यांची अदाकारी, संवाद फेकीची लकब यावर तरुणाई फिदा झाली. विशेषतः कॉलेज मधील मुली त्यांच्यावर जीव ओवाळून टाकू लागल्या. त्यांचे चाहते त्यांच्या गाडीचे चुंबन घ्यायचे. मुली त्यांच्या गाडीची धूळ आपल्या भांगेत भरत. बऱ्याचश्या मुलींनी त्यांच्या फोटोशी लग्न केले होते. त्यांना चाहत्यांचे जितके प्रेम लाभले तितके प्रेम कोणत्याच कलाकाराला लाभले नाही. राजेश खन्ना यांचे सलग १५ चित्रपट सुपरहिट झाले हा एक विक्रम आहे. तो अजूनही कोणत्या अभिनेत्याला तोडता आला नाही. शर्मिला टागोर, मुमताज, अशा पारेख, तनुजा यांच्याशी त्यांची चांगली केमिस्ट्री जमली. सत्तरच्या दशकात राजेश खन्ना सुपरस्टार पदावर आरूढ झाले होते. चालण्या बोलण्याची विशिष्ट ढब, मानेला खास झटका देत, हातवारे करत नाचण्याची अनोखी शैली, जबरदस्त संवाद फेक आणि ओठावर रुंजी घालतील अशी गाणी यामुळे राजेश खन्ना हे अफलातून रसायन बनून गेले. त्याकाळात सर्वाधिक मानधन घेणारे राजेश खन्ना यांची प्रेम प्रकरणेही गाजली पण १९७३ साली त्यांनी आपल्या पेक्षा कितीतरी लहान वयाच्या डिंपल कपाडिया यांच्याशी विवाह केला. १९९२ साली काँग्रेसच्या वतीने त्यांनी दिल्ली मतदार संघातून लोकसभेची पोटनिवडणुक लढवली आणि ते खासदार म्हणून निवडून आले. १८ जुलै २०१२ रोजी राजेश खन्ना यांनी चाहत्यांना अलविदा म्हणत जगाचा निरोप घेतला आणि बॉलिवूडचा पहिला सुपरस्टार काळाच्या पडद्याआड गेला.
विचारसरणी ,पक्षनिष्ठा, लोकशाही लोकमुल्य, तत्त्वनिष्ठपणा, मानसन्मान , आदर याला कुठेही थारा नाही. जनतेच्याही बौद्धिक पद्धतीत साम -दाम- दंड- भेद हीच मूल्य रुजवून, संविधानिक आणि लोकशाही मूल्य पुरती डोक्यातून काढण्यास भाग पाडले आहे. त्यामुळे काँग्रेसला सुद्धा काही काळ या पद्धतीचा वापर करता आला तर लोकशाहीतील संविधानिक मुल्य जपली जातील. मात्र त्यासाठी काँग्रेसला राजकारण करण्याच्या दिशेत बदल करावा लागेल. त्यातूनच परिवर्तन अटळ आहे. तसेच, देशातील सर्वच लोकशाहीवादी राजकीय विचारसरणीच्या पक्षांना सोबतीला घेऊन त्यांचा सन्मान ठेवून, एकत्र संविधानिक मूल्य तर वाचतील आणि काँग्रेसही पुन्हा उभारी ही घेईल. देशातील बहुतांश जनता संविधान मूल्य लोकशाही या तत्त्वांना बाजूला करून वैचारिक गुलाम झाली आहे. त्यासाठी देशातील भाजपच्या सहयोगी संघटना मदत करीत असतात. देशात वैचारिक गुलामगिरी लादली असून, यातून बाहेर पडण्यासाठी जनतेला स्वतः यापासून दूर ठेवता आले पाहिजे.