पाथरी(विशेष प्रतिनिधी)पाथरी शहरालगत असलेल्या अंजली मंगल कार्यालयात लिटल फ्लावर इंग्लिश स्कूलचे वार्षिक स्नेहसंमेलन २०२६ मोठ्या उत्साहात आणि भव्यतेने साजरे झाले. या कार्यक्रमात छोट-छोट्या बालक-बालीकांनी आपले विविध कलागुण सादर करून प्रेक्षकांना मंत्रमुग्ध केले. मराठी संस्कृतीचा गंध आणि परंपरेचा स्पर्श असलेल्या या स्नेहसंमेलनाने सर्वांनाच मराठी मातीचा अभिमान जागवला.
कार्यक्रमाचे विशेष आकर्षण ठरले ते म्हणजे मराठी सिनेसृष्टीतील दिग्गज कलाकारांचे स्मरण. विद्यार्थ्यांनी अशोक सराफ, लक्ष्मिकांत बेर्डे, सचिन पिळगावकर, महेश कोठारे यांच्या चित्रपटांतील प्रसिद्ध गाणी आणि दृश्ये नाट्यरूपात सादर केली. या कलागुणांमधून मराठी चित्रपटसृष्टीने दिलेले अमूल्य योगदान प्रेक्षकांसमोर उलगडले. यामुळे मराठी सिनेमा आणि त्याच्या कलाकारांचा इतिहास बालमनांमध्ये रुजवण्याचे यशस्वी प्रयत्न झाले. प्रेक्षकांनी टाळ्या आणि शिट्या वाजवत या बालकलाकारांना जोरदार दाद दिली.
स्नेहसंमेलनाची सुरुवात पाथरी नगरपालिकेचे नवनिर्वाचित नगराध्यक्ष आशेफ खान यांच्या हस्ते झाली. प्रमुख पाहुणे म्हणून सेलुचे उपविभागीय अधिकारी शैलेश लाहोटी,मुंजाजी भाले पाटील, डॉ.राजेंद्र वाकणकर प्रा. शिवराज नाईक, अशोक गिराम, ऍड. तळेकर, डॉ.गजानन उगले, डॉ.नामदेव मुळे, पोलीस निरीक्षक लक्ष्मण केंद्रे,मुकेश राठोड, डॉ.मानवतकर,ॲड.बि.जे गायकवाड आदी मान्यवर उपस्थित होते.या मान्यवरांनी विद्यार्थ्यांच्या कलाप्रदर्शनाचे कौतुक करत शिक्षण आणि संस्कृतीचे महत्त्व अधोरेखित केले.नगराध्यक्ष आशेफ खान यांनी आपल्या उद्घाटनपर भाषणात शाळेच्या प्रगतीबद्दल समाधान व्यक्त केले आणि स्थानिक विकासासाठी शाळेच्या योगदानाची प्रशंसा केली.
कार्यक्रमात सुंदरी-सुंदरी तुझं नाव काय गं, मनुजा तू जाग,आली माझ्या घरी ही दीवाळी,तिळ-गुळ घ्या गोड-गोड बोला,अंग कुणी रुसायच नाही कुनी पुसायच नाही तुझ्या साडीला सर्फ लावुन धुवुन टाक,ही गाणी तसेच लक्ष्मिकांत बेर्डे, अशोक सराफ, महेश कोठारे यांच्या चित्रपटातील लोकप्रिय गाण्यांवर बालकलाकारांनी थिरकले. या गाण्यांवर प्रेक्षकांनी उद्ध्वस्त होऊन टाळ्या आणि शिट्या वाजवल्या. नृत्य, नाट्य, गायन यांमधून महाराष्ट्रातील संस्कृती आणि विविध जाती-धर्मांचा सलोखा दाखवण्यात विद्यार्थी यशस्वी झाले. हे प्रदर्शन केवळ मनोरंजन नव्हते तर सामाजिक एकतेचे प्रतीक ठरले.
या वार्षिक स्नेहसंमेलनाचे यशस्वी आयोजन शाळेचे प्रमुख डॉ. अतुल भाले पाटील, शिल्पा पेन्शनवार, खुर्शीद देशमुख, विशाल पेन्शनवार तसेच सर्व शिक्षक-शिक्षिका यांच्या अथक परिश्रमाने शक्य झाले. दीग्दर्शन रुपेश कांबळे यांनी कार्यक्रमाचे संचालन अतिशय उत्तम रीतीने केले. त्यांच्या विनोदी आणि ओघवत्या भाष्यामुळे वातावरण आणखी उत्साही झाले. शाळेच्या या उपक्रमाने पाथरीतील शैक्षणिक वातावरण अधिक समृद्ध झाले आहे
लिटल फ्लावर इंग्लिश स्कूल ने दरवर्षीप्रमाणे यंदाही स्नेहसंमेलन हा उपक्रम यशस्वी करून पाथरी शाळा कार्यक्रम क्षेत्रात आघाडी घेतली. हे स्नेहसंमेलन केवळ विद्यार्थ्यांच्या कलागुणांचे प्रदर्शन नव्हते तर मराठी बालकलाकार आणि मराठी संस्कृती यांचा उत्सव होता. अशा कार्यक्रमांमुळे पुढील पिढीला आपली ओळख जपण्यास प्रेरणा मिळते.
यावर्षी ही तिथी १४ जानेवारीला आली आहे. संक्रात ऐन थंडीत येते त्यामुळे हवेत गारवा असतो त्याचा परिणाम आपल्या प्रकृतीवर होतो. त्यामुळे या दिवसात शरीराला उष्ण ठेवण्यासाठी उष्ण पदार्थ खाल्ले जातात. तीळ आणि गूळ यात उष्मांक अधिक प्रमाणात असतो. कदाचित त्यामुळेच मकर संक्रांतीच्या दिवशी तिळगुळ वाटला जातो. संक्रातीच्या दिवशी तीळ आणि गूळ यांच्या वड्या किंवा लाडू एकमेकांना देण्याची पद्धत आहे. तिळगुळ देताना तिळगुळ घ्या गोड गोड बोला असा संदेशही दिला जातो. एकमेकांविषयी स्निग्धता देणारे तीळ आणि गोडवा देणारा गूळ एकत्र आल्याने प्रेमाचे नाते टिकते असे प्रतिकात्मक रूपही या सणाला आहे. एकमेकांशी असलेली कटुता भांडण विसरून एकत्र येण्याचा संदेश देणारा हा सण आहे. मकर संक्रातील विवाहित स्त्रिया एकमेकांना हळदी कुंकू लावून सौभाग्याचे वान देतात. हे सर्व करण्यामागे कोणतीही रूढी परंपरा नसून नव्याने स्वागत आणि त्यातून आनंद घेणे हा आहे. पूर्वी स्त्रियांना एकत्र येण्याची संधी क्वचितच मिळत असे या सणानिमित्त महिला एकत्र येत असे. आजच्या धकाधकीच्या जीवनातही महिलांना एकत्र येण्याची संधी क्वचितच मिळते त्यामुळे संक्रातीनिमित्त मिळणारी ही आयती संधी महिलावर्ग सोडत नाहीत.
मकर संक्रांत हा सण महिलांचा सण असे मानले जात असले तरी लहान मुलेही या सणाची आतुरतेनं वाट पाहत असतात. मकर संक्रांतीच्या दिवशी पतंग उडवण्याची परंपरा आहे. अनेक गावात पतंगोत्सव आयोजित केला जातो. या दिवशी आकाशात विविध रंगांची, आकाराची पतंगे उडताना दिसतात. पतंगाचे विविध आकार रंग पाहून मन प्रसन्न होते. एकमेकांशी असलेली कटुता विसरून प्रेमाने वागा असा संदेश देणारी मकर संक्रात म्हणजे आनंदाची पर्वणीच. मकर संक्रांतीच्या सर्वांना हार्दिक शुभेच्छा! तिळगुळ घ्या गोड गोड बोला!!
पाथरीमध्ये गेल्या काही महिन्यांपासून खुलेआम सुरू असलेले विविध अवैध धंदे आणि त्यात काही पोलिसांच्या कथित हितसंबंधांबाबतचे आरोप समोर आल्यानंतर या प्रकरणाची कसून चौकशी करण्याची जनतेची मागणी जोर धरत आहे.परभणी जिल्ह्याचे पोलीस अधीक्षक रवींद्रसिंग परदेसी हे कठोर आणि परिणामकारक कारवाईसाठी ओळखले जातात. जिल्ह्यात पदभार स्वीकारल्यानंतर त्यांनी वाहतूक, गंभीर गुन्हे व संघटित गुन्हेगारीविरोधात अनेक मोहीमा राबवल्या असून कायदा व सुव्यवस्था मजबूत करण्यावर भर दिला आहे. त्यामुळे पाथरीतील परिस्थितीकडे ते कोणत्या पद्धतीने पाहतात, याबाबत नागरिकांमध्ये उत्सुकता आहे
