सोनपेठ तालुक्यातील ट्वेंटीवन शुगर देवी नगर,सायखेडा येथील या कारखान्यावर उसाच्या पहिल्या उचली च्या मागणीसाठी चार दिवसांपासून प्रभावी व नियोजनबद्ध पद्धतीने सुरू असलेले ठिय्या आंदोलन दि ४ डिसेंबर l गुरुवार रोजी उपविभागीय अधिकारी संगिता चव्हाण यांच्या मध्यस्थीने ट्वेंटीवन शुगर प्रशासनाने यावर्षी गळफास येणाऱ्या ऊसाला २७२५ रु पहिली उचल देण्याची मान्य केल्यामुळे ऊस दरवाढ आंदोलन मागे घेण्यात आले.असुन परभणी जिल्ह्यातील ऊसाच्या पहिल्या उचलीची कोंडी फुटली आहे.

बीड जिल्ह्यातील युवाऊस उत्पादक, हार्वेस्टर मालक, ऊसतोड कामगार या सर्वांच्या सहकार्यामुळे शेतकऱ्यांनी सुरु केलेल्या ऊसदाराचे आंदोलना चे लोन परभणी जिल्ह्यात पसरुन सोनपेठ तालुक्यातील व्टेंन्टीवन शुगर या कारखान्यावर दि १ डिसेंबर पासून ठिय्या आंदोलन सुरु केले होते.

ऊस उत्पादक युवा शेतकरी संघर्ष समिती,स्वाभिमानी शेतकरी संघटना, किसान सभा व ऊस उत्पादक शेतकरी यांचे मागील चार दिवसांपासून कारखाना परिसरात हे आंदोलन सुरू होते. कारखाना प्रशासनाने गुरूवारी याची दखल घेऊन तोडगा काढण्यासाठी उपविभागीय अधिकारी संगिता चव्हाण यांच्या अध्यक्षतेत बैठक घेतली. या बैठकीस तहसिलदार सुनिल कावरखे, सोनपेठ पोलीस स्टेशनचे पो नि अशोक गिते, अजय किरकन ट्वेंटीवन शुगर्सचे विजय देशमुख, लक्ष्मीकांत देशमुख,राजन क्षीरसागर,उदय देशमुख,अजय बुरांडे, सुधीर बिंदू, किशोर ढगे लक्ष्मण पौळ,विश्वंभर गोरवे, रामेश्वर मोकाशे,ॠषीकेश जोगदंड, सुरेश ईखे , ओमकार पवार यांच्या सह परीसरातील ऊस उत्पादक शेतकरी उपस्थित होते. बैठकीत ऊस दरावर यशस्वी चर्चा होऊन यंदाच्या गाळप हंगामात पहिली उचल २ हजार ७२५ प्रति मेट्रीक टन देण्यासाठी कारखाना प्रशासनाच्या वतीने जाहीर करण्यात आल्याने आंदोलन मागे घेण्यात आले

चार दिवसांनंतर तब्बल सहा तास झालेल्या चर्चेनंतर रात्री आठ वाजता ही घोषणा कारखान्याच्या वतीने जाहीर करण्यात आली.

सोनपेठ तालुक्यातील काही गावांचे ऊस उत्पादक शेतकरी च या आंदोलनात प्रामुख्याने सहभागी झाले होते.नरवाडी, कानेगाव, शेळगाव बोंदरगाव, कोठाळा, या काही प्रमुख गावच्या शेतकऱ्यांनी हजेरी लावली इतर गावच्या शेतकऱ्यांनी हे आंदोलन हलक्यात घेतले. खरी मोलाची, खंबीर, प्रामाणिक साथ बीड जिल्ह्यातील शेतकऱ्यांची व पाथरी तालुक्यातील शेतकऱ्यांची मिळाल्यामुळे शंभर टक्के यश आले. हे आंदोलन जर झाले नसते तर यावर्षी ट्वेंटी शुगर कारखाना प्रशासन शेतकऱ्यांच्या हाती 2200 रुपये देणार होते सोनपेठ तालुक्यातील ऊस उत्पादक शेतकऱ्यांनी बीड जिल्ह्यातील या बहाद्दर युवा ऊस उत्पादक संघर्ष समितीचे मानले तेवढे आभार कमीच आहेत. यानंतर तरी शेतकऱ्यांसाठी च्या अशा होणाऱ्या कोणत्याही आंदोलनात आपला स्वार्थीपणा बाजूला ठेवून हिरीरीने भाग घ्यावा अशी अपेक्षा व्यक्त केली जात आहे.