पाथरी(प्रतीनीधी)पाथरी नगर परिषद सार्वत्रिक निवडणूक २०२५ साठी प्रशासन सज्ज झाले असून मतदान प्रक्रिया पूर्ण पारदर्शक व बिनचूक होण्यासाठी मतदान प्रक्रिया पूर्ण समजून घेण्याकरिता निवडणूक प्रशासनाकडून सर्व मतदान अधिकाऱ्यांना तीन वेळेस मतदान विषयक प्रशिक्षण देण्यात आले तसेच आज औधगिक प्रशिक्षण संस्था विटा रोड पाथरी येथून टीम रवाना होण्यापूर्वी मतदान यंत्राची प्रत्यक्षात हाताळणी ( हॅंडस ऑन ट्रेनिंग) देण्यात आली त्यामुळे मतदान केंद्रावर नियुक्त करण्यात आलेल्या केंद्र अध्यक्ष, मतदान अधिकारी १,२,३ यांनी प्रत्यक्षात मतदान यंत्र हाताळणी करून मॉक पोल करून घेतल्या मुळे सर्व मतदान केंद्रांवर नियुक्त अधिकारी यांना पुनश्च एकदा मतदान प्रक्रिया समजल्या असल्याची खात्री करण्यात आली त्यामुळे निवडणुकीच्या दिवशी कोणतीही अडचण येणार नाही.
उपस्थित उमेदवार व त्यांचे प्रतिनिधी यांच्या समक्ष श्री राजेश काटकर निवडणूक निरीक्षक यांच्या प्रमुख उपस्थित आज स्ट्राँग रूम उघडण्यात आले.
मतदानच्या दिवशी उमेदवार किंवा त्याच्या प्रतिनिधी यांच्या उपस्थितीत सकाळी ६:३० वाजता मोकपोल करून सकाळी ७:३० वाजेपासून मतदानाची प्रक्रिया सुरू होईल. मतदानाची टक्केवारी वाढविण्यासाठी प्रशासनाकळून विविध उपक्रम राबविले असल्यामुळे निश्चित त्याचा फायदा होईल असे मत श्रीमती अरुणा संगेवर निवडणूक निर्णय अधिकारी यांनी व्यक्त केले. प्रशिक्षणाच्या ठिकाणी सर्व नियुक्त अधिकारी व कर्मचारी यांच्या जीवनाची उत्तम व्यवथा करण्यात आली होती निवडणूक कामे यशस्वी होण्यासाठी युवराज पौळ सहायक निवडणूक निर्णय अधिकारी, कृष्णा देशमुख सहायक निवडणूक निर्णय अधिकारी,तसेच कांबळे मुख्याधिकारी नगर परिषद पाथरी,श्री दत्ता गिनगिने,श्री रेड्डी व निवडणूक कामासाठी नियुक सर्व अधिकारी, कर्मचारी परिश्रम घेत आहेत.