मीच तुमच्या कामाचा
लागताच निवडणूक
तो लागला कामाला
फिरकला न कधी गल्लीत
आता चकरा माराय लागला
मीच तुमच्या कामाचा
बाकी सारे बिनकामाचे
एकच सांगाय लागला
चहा पाणी पाजाय लागला
नव्हता बघत कधी कुणाकडे
कंबरेतुन वाकाय लागला
मागणी त्याची प्रत्येकापुढे
द्या आशिर्वाद या पामराला
निवडून जाऊ द्या एकदा
बघा कसा करतो काम
पैशाच्या जीवावर गर्दा
घोषणांनी परिसर जाम
माहित असतं त्यालाही
आपण केलेलं नसतं काम
विजयासाठी मग वाटत सुटतो
वारेमाप मतदारांना दाम
रानबा गायकवाड
7020766674