हिंगोली(प्रतिनीधी)जिल्ह्याचे नूतन पोलिस अधिक्षक म्हणून नीलाभ रोहन यांनी बुधवारी(दि. २४)पदभार स्विकारला.पोलिस अधिक्षक श्रीकृष्ण कोकाटे यांच्या जागी डॉ. नीलाभ रोहन यांची पदस्थापनेने नियुक्ती झाली. मंगळवारी गृह विभागाने हे आदेश काढले. त्यानंतर बुधवारी डॉ. नीलाभ रोहन हे हिंगोली येथे दाखल झाले. त्यांनी पोलिस अधिक्षक पदाचा पदभार स्वीकारला. डॉ. नीलाभ यांच्याकडे यापूर्वी छत्रपती संभाजीनगर येथे दहशतवाद विरोधी पथकाच्या पोलिस अधिक्षक म्हणून कार्यरत होते. मंगळवारी त्यांच्या पदस्थापनेचे आदेश निघाल्यानंतर बुधवारी त्यांनी पदभार स्वकारला. कर्तव्यदक्ष पोलीस अधिकारी म्हणून ओळख असलेले डॉ. निलभ रोहन मूळचे उत्तर प्रदेश राज्यातील राहणारे डॉ. निलाभ रोहन हे २०१६ बॅचचे आयपीएस अधिकारी आहेत. सहाय्यक पोलिस अधिक्षक म्हणुन जळगाव येथे सप्टेंबर २०२० मध्ये त्यांनी काम केले आहे.
यापूर्वी ते परिविक्षाधीन पोलिस उपाधिक्षक पदावर इचलकरंजी येथे कार्यरत असताना प्रथम इचलकरंजीत अवैध व्यवसायाला त्यांनी चांगलाच चाप लावला असताना त्यांची एका महिन्यातच तडकाफडकी बदली झाल्यामुळे तेथे नागरीकासह विविध राजकीय पक्ष व संघटनांनी रस्त्यावर उतरून आंदोलन केले होते. यानंतर त्यांनी जळगाव येथे कामगिरी बजावली असून जळगाव येथुन त्यांची नागपूर येथे विशेष कृती दलाचे अधिक्षक पदावर बदली झाली होती. वर्षभरातच त्यांना केंद्रीय प्रतिनियुक्तीवर केंद्रात बोलावले गेले होते तीन महिन्यांपूर्वी २४ सप्टेंबर रोजी छत्रपती संभाजीनगर येथे दहशतवादी विरोधी पथकाच्या अधिक्षकपदी नियुक्ती झाली होती. नगरपालिका निवडणुकांची आचार संहीता संपताच २२ डिसेंबर सोमवार रोजी त्यांची हिंगोलीच्या पोलिस अधिक्षकपदी बदली करण्यात आली २३ डिसेंबर रोजी त्यांनी आपला पदभार स्विकारला.